قصيده لحبيبي يوم زفافه

جاني الخبر يا صاحبي و أظلم الكون ....... قدام عيني ثم نطقت الشهادة

على العموم أقولها ألف مليون...... مبروك من قلب شكالك أبعاده

مبروك لا يهمك سواليف و ظنون...... من عاشق يهديك فرحة فؤاده

سووا الفرح اليوم و إبليس ملعون..... و اللي يشب النار يجني رماده

أنا أول العالم على القصر يلغون..... أول معازيم الفرح و الحداده

أبشر أنا برقص على العرس بالهون ..... كل يعبر فرحته بإجتهاده

لو البلا رقصي يقولون مزيون..... المشكلة القلب يفضح وداده

يوم العذاري في دخولك يغنون .... و عروستك بأحلى ثواني السعادة

كنت أتمنى بدالها و الله أكون .... و أحط أنا كفي تحت راسك وسادة

واشلون ابكتم صرختي يوم تمشون ..... تكفى .. خذني للعروسة قلادة

حتى معازيم الفرح قاموا يمشون..... و أصبحت أنا وحدي بدون استفادة